ഇറ്റാലിയന്‍ ഓപ്പണ്‍ ടെന്നിസ് ഫൈനലില്‍ സ്പാനിഷ് യുവതാരം കാര്‍ലോസ് അല്‍കാരസും ലോക ഒന്നാം നമ്പര്‍ താരം യാനിക് സിന്നറും നേര്‍ക്കുനേര്‍. സെമിഫൈനലില്‍ ടോമി പോളിനെ പരാജയപ്പെടുത്തിയാണ് സിന്നര്‍ ഫൈനലിന് യോഗ്യത നേടിയത്. തകര്‍പ്പന്‍ തിരിച്ചുവരവ് നടത്തിയ സിന്നര്‍ 1-6, 6-0, 6-3 എന്ന സ്‌കോറിനായിരുന്നു അമേരിക്കയുടെ ടോമി പോളിനെ പരാജയപ്പെടുത്തിയത്.
Jannik Sinner & Carlos Alcaraz will face each other in the final of Rome. This will be their first final in a big event. Carlos leads the head to head 6-4 & has won their last 3 tour level matches.Jannik won their most recent meeting at the Six Kings Slam, which didn’t… pic.twitter.com/s6fRBSEjUI
ആദ്യ സെറ്റ് നഷ്ടപ്പെട്ടെങ്കിലും സിന്നര്‍ താളം കണ്ടെത്തി. ഒരു ഗെയിം പോലും വിട്ടുകൊടുക്കാതെ സിന്നര്‍ രണ്ടാം സെറ്റ് സ്വന്തമാക്കി. മൂന്നാം സെറ്റിലും ഈ മുന്നേറ്റം തുടരാന്‍ ഇറ്റാലിയന്‍ താരത്തിന് സാധിച്ചു. ഒരു ഘട്ടത്തില്‍ തുടര്‍ച്ചയായി ഒമ്പത് ഗെയിമുകള്‍ നേടിയ സിന്നര്‍ ആവേശവിജയം സ്വന്തമാക്കി.
മറ്റൊരു സെമിയില്‍ ഇറ്റാലിയന്‍ താരം ലോറെന്‍സോ മുസെറ്റിയെ തോല്‍പ്പിച്ചാണ് അല്‍കാരസ് ഫൈനലിന് ടിക്കറ്റെടുത്തത്. 6-3, 7-6 (4) നായിരുന്നു അല്‍കാരസിന്റെ വിജയം. നാല് തവണ ഗ്രാന്‍ഡ് സ്ലാം ചാമ്പ്യനായ കാര്‍ലോസ് അല്‍കാരസിനെയാണ് സിന്നര്‍ ഇനി നേരിടുക.
Content Highlights: Italian Open: Jannik Sinner and Carlos Alcaraz set up blockbuster final